ضحكاتك ..

حمام يطير …
يروح بعيد …

ياخذني لحدود الشوق والتنهيد
وارجعلك

مثل قطرة ندى تمشي على الاغصان …
وانتي صبحي الاجمل …ولو اذبل
انا قطرة ندى وعمر الندى

 من صبحه ما يزعل ..
ضحكاتك ..تخليني طفل  …
رمى شنطته في اخر الدهليز …
مسك الوان
حاول يرسم اعيونك …
طفل شيطان …ضيع حصته… وشخبط على الجدران

.

. 
اتاري الضحكة كانت ريح
تأجج نار اشواقي
وانا يا اجمل اسنيني
وهم .. ماظن يكفيني
صدى ضحكه ورى القضبان ..
واسافر في نهر عطشان
وصوتك لحضة يرويني
يعطش صحرى في عيني
منايا لو تخليني …اشوفك يا قمر مخفي
وصوتك هذا ما يكفي
بجيلك اسبق الموعد
خيالك يقرب ويبعد
وعودك انتي ما تنعد
وشوقي ناره ما تطفي
صوتك هذا ما يكفي
احط ايدي على خدي
تمر الحظه وتعدي
عيوني تنتظر سعدي
جروحي لموعدك تشكي
وصوتك هذا ما يكفي
ويضحك موعدك مني
واوهم نفسي واغني
وقول ان ضحكتك تكفي
وصوتك هذا ما يكفي